Këngëtarja skoceze e cila mori famë nga show britanik “Britain’s Got Talent” do të festojë ditëlindjen e saj më një prill.
“Për çdo ditë Susan zgjohet më e pasur”, i ka thënë një burim gazetës britanike “Daily Mirror”.

“Ajo nuk mund të besoj se pse kaq shumë i ka fituar zemrat e të tjerëve. Ajo nuk dëshiron asgjë më shumë së famën e saj dhe benifitët që i ka për punën e saj. Është shija e saj dhe i pëlqen që atë e donë edhe të tjerët”.

Burimet kanë thënë se Boyle do të shpenzoj pak para për të blerë një shtëpi të saj në Blackburn, në lagjen West Lothian.

Shtate shtete ballkanike qe moren pjese ne samitin e Sllovenise, i kane bere thirrje BE te mbetet e angazhuar per zgjerimin ne Ballkan dhe te vazhdohet liberalizimi i vizave per gjithe rajonin.

Keshtu thuhet ne deklaraten perbashket te firmosur ne fund te samitit te Berdos ku mori pjese dhe kryeministri shqiptar Sali Berisha dhe lidere te tjere te rajonit. Në samit nuk ishte i pranishëm presidenti serb Boris Tadic.

Kryeministri slloven, Borut Pahor, organizatori i ketij samiti te rendesishem rajonal tha se rivaliteti historik dhe kompleksiteti i ceshtjeve ne Ballkan nuk jane pengesa e vetme per integrimin e ketij rajoni, pasi edhe vete BE eshte e percare ne menyren se si duhet ta trajtoje Ballkanin e ne vecanti Kosoven.

“BE nuk ka qendrime unike per disa ceshtje. Jo gjithe vendet e BE e njohin Kosoven. Shtetet e BE nuk kane pikapemje unike as per dinamiken e zgjerimit te bllokut,- tha Pahor ne konferencen per shtyp pas takimit.

Kryeministri Pahor ka vazhduar më tej se brenda bllokut ka nje nenvleresim te mundesive qe ky rajon do ti jape gjithe kontinentit dhe BE-se. Ai theksoi se Sllovenia e ka deklaruar kete gje ne Keshillin Europian por tashme ky rajon ka probleme. Ai theksoi se nuk eshte hera e pare kur BE trembet nga problemet dhe largohet duke e lene nje mundesi qe ti ike nga duart,- ka permbledhur Pahor.

Sa i perket liberalizimit te vizave, deklarata e perbashket ka theksuar se procesi nuk duhet te ndalet. Gjithe vendet riafirmuan angazhimin e tyre per tu bashkuar ne bllok dhe premtuan se do te takohen rregullisht per aktivitete rajonale vecanerisht per te bashkepunuar ne fusha si transport, infrastrukture dhe energji. Kroacia ne shenje simbolike u dhuroi vendeve qe flasin te njejten gjuhe, Serbise, Malit te zi dhe maqedonise pyetsorin e perkthyer te BE, gje e cila Kroacise i ka kushtuar shume. Kroacia eshte me prane anetaresimit ne BE dhe mund te behet anetar i bllokut ne 2012.

I nderuar Zoti Kryeministër,

Ju shkruaj nëpërmjet një gazete që ju nuk lexoni, megjithatë disa fjalë ndjej nevojën t’jua them, sepse të premten humori juaj shpërfillës preku njerëz që për mua janë të shtrenjtë: “vajzat e bukura shqiptare”.
Në kohën që kryeministri i vendit tim, Sali Berisha, konfirmonte angazhimin e qeverisë së tij në luftën kundër kontrabandistëve, ju vutë në dukje se “mund të bëjmë një përjashtim për ata që sjellin vajza të bukura.”
Ato “vajza të bukura” unë i kam takuar. Kam takuar me dhjetra syresh, natën dhe ditën, fshehtas tutorëve të tyre, i kam ndjekur nga Garbanjate Milaneze gjer në Siçili. Ato vajza më kanë rrëfyer copa nga jetët e tyre të përçudnuara, të abuzuara, të shkatërruara. “Stelës” padronët e saj i patën gdhendur mbi stomak një fjalë: kurvë. Ishte e bukur, Stela, shumë e bukur, por kish vetëm një “të metë”: e rrëmbyer në Shqipëri dhe e prurë në Itali, kundërshtonte të dilte në trotuar. Pas një muaji përdhunimesh kolektive nga ponçot shqiptarë dhe ortakët e tyre italianë, iu desh të thyhej. Ajo vajzë njohu trotuaret e Piemontes, Lacios, Ligurias e kështu me radhë. Dhe vetëm më pas – tre vjet më vonë – vendosën t’ia skalitnin zanatin mbi lëkurë: thjesht për argëtim, thjesht për tekë.
Asokohe ishte aq e bukur ajo jetë e re, një hyjni. Sot është veç një nga të përhumburit, të shtyrët në cepat e njerëzimit. “Stela” nuk do të dashurojë më kurrë, e askurrë do të bëhet nënë e gjyshe. Fjala “kurvë” mbi bark i ka shuar çdo dritëz shprese dhe besimi tek njeriu, kërdia e klientëve dhe e tutorëve i kanë shkatërruar mitrën.
Mbi “vajzat e bukura” kam shkruar një roman, botuar në Itali me titullin “Sole bruciato”, në gjuhën time ka titullin “Yjet nuk vishen kështu”. Vite më pas, xhirova një dokumentar për televizionin zviceran: u vura në gjurmët e një tjetre vajze të bukur, Brunilda quhej, i ati më qe përgjëruar mes lotësh të hetoja për të. Ishte një baba si shumë baballarë shqiptarë vajzat e të cilëve ishin zhdukur, rrëmbyer, sakatuar dhe varur me kokë poshtë në thertore jashtë përdorimi sepse guxonin të rebeloheshin. Ai burrë ishte baba si ju, z. Kryeministër, vetëm se i pafat. Dhe ende nuk e gëlltit dot faktin që vajzën e ka humbur përgjithmonë, se ndoshta gjendet e fundosur në det ose e ekzekutuar në ndonjë skutë periferie. Ai këmbëngul të shpresojë, ëndërron mrekullinë. Histori e gjatë kjo, z. Kryeministër…
Nëse do të isha e sigurt se me këta rreshta do të fitoja vëmendjen tuaj do t’ju dërgoja një kopje të librit për të cilin ju fola më sipër; ose të dokumentarit. Apo do të shkëmbeja me ju disa fjalë, me dëshirë. Por një hollësi duhet ta dini që tani, z. Kryeministër: komenteve pa kripë e kam zakon t’u përgjigjem, e jo t’i gëlltis.
Kështu, nuk mund të mos jua shkruaja këtë letër të hapur: në emër të Stelave, Biankave, Brunildave dhe në emër të familjeve të tyre. Përgjatë njëzet vitesh tranzicioni të vështirë, Shqipëria i ka shkaktuar vetes shumë vuajte e plagë, por në popull po rritet e forcohet shpresa e vullneti që më në fund të eci drejt, me kokën lart. Dhe më lejoni t’jua bëj të qartë: Shqipëria nuk ka më durim, e asfare dëshirë, që t’i gëlltisë poshtërimet falas.
Dhe ju, nëse do t’i jepnit mbroth të mos përçudnonit dramat njerëzore e t’i përdornit ato si material për batuta vulgare mejhanesh, do të  kishit vetëm dobi.

Eurodeputetët e Parlamentit Europian, duket se i dhane note kaluese Shqipërisë në hapat e hedhura ne kuader te liberalizimit te vizave. Nje delegacion i PE vizitoi Tiranen pak dite me pare  me qëllim inspektimin e anagazhimeve të qeverisë në kuadër të plotësimit të kërkesave për liberalizimin e vizave.

Kryetari i delegacionit të Parlamentit Europian, Eduard Kukan, gjatë një takimi me Presidentin e Republikës Bamir Topi siguroi, se me përmbushjen e kritereve teknike, procesi i liberalizimit të vizave do të bëhet realitet para fillimit të veres.

Sipas njoftimit për shtyp nga Presidenca, kreu i shtetit Bamir Topi vuri ne dukje angazhimin maksimal dhe vullnetin e duhur të shtetit shqiptar për të realizuar me sukses një sërë reformash të rëndësishme.
Presidenti e vuri theksin në reformat ne sistemin e drejtësisë, që do të plotësonin kuadrin e nevojshëm të standardeve integruese në familjen evropiane.

Në këtë drejtim,Kreu i shtetit nenvizoi faktin se liberalizimi i vizave për Shqipërinë me BE-në do të ishte një hap tepër pozitiv që do të afronte më tepër shqiptarët me familjen evropiane.

Nga ana e tij, drejtuesi i delegacionit europarlamentar z. Kukan, vlerësoi rolin moderator dhe pozitiv të Presidentit Topi për realizimin e tryezës politike mes udhëheqësve të maxhorancës dhe opozitës, që prodhoi rifillimin e dialogut politik dhe hyrjen e opozitës në Parlament. Kukan apeloi që ky dialog i nisur të vazhdojë e të forcohet sa më shumë për t’i dhënë zgjidhje përfundimisht situatës politike në vend.

Në përbërje të delegacionit ishin eurodeputetët Jelko Kacin, Simon Busuttil nga Malta, hollandezja Marije Cornalissen si dhe raportuesja e Parlamentit per liberalizimin e vizave , sllovenja Tanja Fajon.
Vizita konsiderohet private për Parlamentin Europian edhe pse me ftesë zyrtare të autoriteteve shqiptare.

Delgacioni i PE mbërriti sot në Tiranë për të parë nga afër sesi i ka plotësuar Shqipëria kushtet e kërkuara për liberalizimin e vizave. Vizita e parë e delegacionit është zhvilluar në godinën e Drejtorisë së Përgjithshme të Policisë ku janë prezantuar arritjet e bëra në këtë proces përsa i përket sigurisë së kufijve dhe pajisjes me pasaporta bimetrike të qytetarëve.